14:18 | 2009/7/4 | راژان
ح.س.سۆران .
مامه قاله ، به ناوبانگ به ماموهستا قالهمهڕه ، شمشال ژهنی مهزنی رهبهن ، که پێرێکه له شاری بۆکان کۆچی دوایی کرد و ماڵهکهی گوێزاوه و بو به هاوسێی ماموهستا حهسهن زیرهک ، به کردار ، وتار و ههڵوێستی خۆی ، به لای کهمهوه ، سێ وانه ( دهرس) ی ، گرنگی به گهلی کورد وت : من چون ههر له کاتی زیندویی دا ، نزیکهی بیست ساڵ پێش ، به هۆی نووسراوهی "تابلۆ موزیکال"ی مامه قاله ، ئهوی له دڵم دا بوه ، سهبارهت بهو هونهرمهنده مهزنه بێ نازه وتوومه و ئهوهی توانیومه کردوومه ، ئێستا ئیدی بۆ دورهپارێزی له مردو پهرهستی ، هیچی شتێکی لێ زیاد ناکهم . تهنیا زۆر به کورتی دهمهوێ بڵێم مامه قاله ، به لای کهمهوه به ئێمهی سهلماند که ، 1) گهلی کورد رێزی دڵسۆز ، خزمهتگوزار و هونهرمهندی خۆی دهزانێ و ئهمه گهورهترین هیوا و شانازیه بۆ هاو کووف و هاو بیرانی مامه قاله ، بۆ درێژه دانی رێگهی پیرۆزیان ؛2 ) له تهرازوی ئاوهزی گهلی کورد دا ، شوانێکی به ههڵوێست ، له سهدان خاوهن پارهی چرووک و بێ کهڵک ، دهستهڵات داری نا دڵسۆز یا رووناک قیر و فڵانی بۆش، قهلاش و بێ ههڵوێست ، زۆر سهنگینتره ؛ 3) مرۆڤی خزمهتگوزار دهتوانێ بهو جێگهیه بگا ، که هیچ کۆسپێک نهتوانێ ههڵوێستی پێ بگۆڕێ .
له لایهکی دیکهشهوه ، ئاتاجی و دهستبهتالی زهق و دڵتهزێنی ئهم هونهرمهندنه گهورهیه ، که خهڵک له کووچه و کۆڵان ، تمهن تمهن پارهیهن دههاویشته سهر داواێنی ، به شهرمهساتێکی زله و بێ رێزی به هونهر دادهنرێ و پێمان دهڵێ ، "بۆ شمشال ژهنێکی پیر و لاواز ، دهتوانێ به پهنجا میلیۆن کورد هونهری رهسهن ببهخشێ ، بهڵـام پهنجا میلیۆن کورد ، نا توانن ژیانی ئاسایی ئهو دابین بکهن ؟؟؟!!!. " له پاش مردن ، به شان و باڵ دا ههڵوتن ، وهک کهپهنکی پاش بارانه .
کوردینه ! بڵێی لهمهو دواش ههر وابین ؟
تهواوی پهڕگهکانی وێبلاگ
دواترین | پهڕگهی 10 له 30 | پهڕگهی ڕابردوولۆگۆ
